/ natur / Beiting skapar møøøøde for fjellnaturen

Forskarane har identifisert 603 planteartar og fleire ville og tamme pattedyr. Dette har dei gjort ved hjelp av ein database og avansert analyse av eldgammalt DNA frå 14 innsjøar i Alpane. Det skriv Universitetet i Tromsø på nettsidene sine.

Funna i studien viser at menneskeleg aktivitet, særleg beiting frå husdyr, har hatt stor innverknad på biomangfaldet dei siste 5000 åra. Ifølgje analysane har særleg sau og storfe spelt ei avgjerande rolle i å halde oppe artsmangfaldet i fjellområda.

– Dei har fremja ei rikare blanding av blomstrande plantar og grasartar, seier Inger Greve Alsos, forskingsleiar og professor i biologi på Noregs arktiske universitetsmuesum.

Studien peikar også på viktigheita av tradisjonell arealbruk i Alpane og kan ha mykje å seie for dagens forvaltning av tilsvarande fjellområde.

– Vi har fått ny innsikt i korleis menneskeleg aktivitet og beitedyr kan spele ei nøkkelrolle i å sikre artsmangfaldet i fjellområde, både i dag og for framtidige generasjonar, seier Greve Alsos.

(©NPK)